ਆਈਲਟਸ ਸੈਂਟਰ ਸੰਚਾਲਕਾਂ ਵੱਲੋਂ ਕੇਵਲ ਸਿੰਘ ਢਿੱਲੋਂ ਦਾ ਸਨਮਾਨ

              ਬਰਨਾਲਾ  ਆਈਲਟਸ ਸੈਂਟਰ ਸੰਚਾਲਕ ਯੂਨੀਅਨ ਬਰਨਾਲਾ ਦੇ ਝੰਡੇ ਹੇਠ ਬਰਨਾਲਾ ਦੇ ਸਮੁੱਚੇ ਆਈਲੈੱਟਸ ਸੈਂਟਰ ਸੰਚਾਲਕਾਂ ਵੱਲੋਂ ਕੋਰੋਨਾ ਮਹਾਂਮਾਰੀ   ਕਾਰਨ ਪੰਜਾਬ ਸਰਕਾਰ ਵੱਲੋਂ ਬੰਦ ਕੀਤੇ ਆਈਲਟਸ ਸੈਂਟਰਾਂ ਨੂੰ ਦੁਬਾਰਾ ਖੁੱਲ੍ਹਵਾਉਣ ਲਈ  ਕੀਤੇ ਯਤਨਾਂ ਦੇ ੲਿਵਜ਼ ਵਿਚ ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਮੀਤ ਪ੍ਰਧਾਨ ਸਾਬਕਾ ਵਿਧਾਇਕ ਸਰਦਾਰ ਕੇਵਲ ਸਿੰਘ ਢਿੱਲੋਂ ਦਾ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ । ਨਗਰ ਸੁਧਾਰ ਟਰੱਸਟ ਬਰਨਾਲਾ ਦੇ ਚੇਅਰਮੈਨ ਮੱਖਣ ਸ਼ਰਮਾ ਦੀ ਅਗਵਾਈ ਵਿੱਚ  ਆਈਲੈੱਟਸ ਸੈਂਟਰ ਸੰਚਾਲਕ ਯੂਨੀਅਨ ਦੇ ਆਗੂ ਸ਼ਿਵ ਸਿੰਗਲਾ, ਰੁਪਿੰਦਰ ਸਿੰਘ ਬਠਿੰਡਾ, ਕੁਲਵਿੰਦਰ ਬਿੱਟੂ ਅਤੇ ਪਵਨਦੀਪ ਆਦਿ ਨੇ  ਕੇਵਲ ਸਿੰਘ ਢਿੱਲੋਂ ਨੂੰ "ਮੂਲ ਮੰਤਰ" ਦੀ ਵੱਡੀ ਤਸਵੀਰ ਅਤੇ ਸਿਰੋਪਾ ਭੇਟ ਕਰਕੇ ਉਨ੍ਹਾਂ ਦਾ ਸਨਮਾਨ ਕਰਦਿਆਂ ਕਿਹਾ ਕਿ ਆਈਲੈੱਟਸ ਸੈਂਟਰ ਦੁਬਾਰਾ ਖੁਲ੍ਹਵਾ ਕੇ ਪੰਜਾਬ ਦੇ ਲੱਖਾਂ ਬੱਚਿਆਂ ਦਾ  ਵਿਦੇਸ਼ਾਂ ਵਿੱਚ  ਸਥਾਪਿਤ ਹੋ ਕੇ ਆਪਣੇ ਪਰਿਵਾਰਾਂ ਦਾ ਜੀਵਨ ਪੱਧਰ ਉੱਚਾ ਚੁੱਕਣ ਦਾ ਸੁਪਨਾ ਪੂਰਾ ਕਰਨ  ਲਈ ਜੋ ਇਹ ਸ਼ਲਾਘਾਯੋਗ ਕਦਮ ਉਠਾਇਆ ਗਿਆ ਹੈ ਉਸ ਲਈ  ਅਾੲਿਲਟਸ ਸੈਂਟਰ ਸੰਚਾਲਕ ਅਤੇ ਅਾੲਿਲਟਸ ਕਰ ਰਹੇ ਪੰਜਾਬ ਦੇ ਹਜ਼ਾਰਾਂ ਵਿਦਿਅਾਰਥੀ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਅਤੇ  ਸਾਬਕਾ ਵਿਧਾਇਕ ਸਰਦਾਰ ਕੇਵਲ ਕੇਵਲ ਸਿੰਘ ਢਿੱਲੋਂ ਦੇ ਸਦਾ ਰਿਣੀ ਰਹਿਣਗੇ ।ਇਸ ਮੌਕੇ ਸਰਦਾਰ ਕੇਵਲ ਸਿੰਘ ਢਿੱਲੋਂ ਸਾਬਕਾ ਵਿਧਾਇਕ ਨੇ ਆਈਲੈੱਟਸ ਸੈਂਟਰ ਸੰਚਾਲਕਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਆਈਲੈਟਸ ਸੈਂਟਰ ਮਾਲਕ ਸ਼ਲਾਘਾਯੋਗ ਕੰਮ ਕਰ ਰਹੇ ਹਨ ਅਤੇ      ਆਈਲੈਟਸ ਕਰਨ ਤੋਂ ਬਾਅਦ ਪੰਜਾਬ ਦੇ ਹਜ਼ਾਰਾਂ ਲੱਖਾਂ ਬੱਚੇ ਵਿਦੇਸ਼ਾਂ ਵਿਚ ਸੈੱਟ ਹੋ ਕੇ ਜਿੱਥੇ ਆਪਣੇ ਪਰਿਵਾਰ ਦਾ ਜੀਵਨ ਪੱਧਰ ਉੱਚਾ ਚੁੱਕ ਰਹੇ ਹਨ ਉੱਥੇ ਹੀ ਦੇਸ਼ ਦੇ ਅਰਥਚਾਰੇ ਦੀ ਤਰੱਕੀ ਵਿੱਚ ਵੀ ਬਹੁਤ ਵੱਡਾ ਯੋਗਦਾਨ   ਪਾ ਰਹੇ ਹਨ ਅਤੇ ਵਿਦੇਸ਼ਾਂ ਦੇ ਵਿਚੋਂ ਜੋ ਪੈਸਾ ਭਾਰਤ ਵਿੱਚ ਅਾੳੁਂਦਾ ਹੈ  ਉਸ ਨਾਲ ਦੇਸ਼ ਦੀ ੲਿਕਾਨਮੀ  ਨੂੰ ਬਹੁਤ ਵੱਡਾ ਹੁਲਾਰਾ ਮਿਲਦਾ ਹੈ । ਉਨ੍ਹਾਂ ਇਸ ਮੌਕੇ ਸਮੂਹ ਆਈਲੈਟਸ ਸੈਂਟਰ  ਸੰਚਾਲਕਾਂ ਨੂੰ ਹਦਾਇਤ ਕੀਤੀ ਕਿ ਉਹ ਕੋਰੋਨਾ ਮਹਾਂਮਾਰੀ ਤੋਂ ਬਚਾਅ ਲੲੀ ਸਰਕਾਰੀ ਹਦਾੲਿਤਾਂ ਦਾ ਪਾਲਣ ਕਰਨ ਦੇ ਨਾਲ ਨਾਲ  ਪੰਜਾਬ ਸੂਬੇ ਦੇ ਸਾਰੇ ਆਈਲੈੱਟਸ ਸੈਂਟਰ ਕਰ ਰਹੇ ਸਿਖਿਆਰਥੀਆਂ ਨੂੰ ਵਿਦੇਸ਼ਾਂ ਵਿੱਚ ਨੌਕਰੀਆਂ  ਅਤੇ ਕਾਰੋਬਾਰ  ਕਰਨ ਦੀ ਸੇਧ ਦੇਣ ਲਈ ਉਨ੍ਹਾਂ ਦੀ  ਕਿੱਤਾਮੁਖੀ ਕਾਉਂਸਲਿੰਗ ਜ਼ਰੂਰ ਕਰਨ ਤਾਂ ਜੋ ਪੰਜਾਬ ਦੇ ਬੱਚਿਆਂ ਨੂੰ ਵਿਦੇਸ਼ਾਂ ਵਿਚ ਜਾ ਕੇ ਪੜ੍ਹਨਾ ਅਤੇ ਕਾਰੋਬਾਰ ਕਰਨਾ  ਹੋਰ ਵੀ ਸੁਖਾਲਾ ਹੋ ਜਾਵੇ । ਹੋਰਨਾਂ ਤੋਂ ਇਲਾਵਾ ਆਈਲੈਟਸ ਸੈਂਟਰ ਸੰਚਾਲਕ ਰਮਨ ਅਰੋਡ਼ਾ, ਨਿਪੁੰਨ ਕੌਸ਼ਲ , ਹਨੀਸ਼ ਕੁਮਾਰ , ਨਗਰ ਕੌਂਸਲ ਪ੍ਧਾਨ ਗੁਰਜੀਤ ਸਿੰਘ ਰਾਮਣਵਾਸੀਅਾ, ਮੀਤ ਪ੍ਧਾਨ ਨਰਿੰਦਰ ਗਰਗ ਨੀਟਾ, ਕੌਂਸਲਰ ਧਰਮਿੰਦਰ ਸ਼ੰਟੀ, ਜਸਮੇਲ ਸਿੰਘ ਡੇਅਰੀ ਵਾਲਾ, ਹਰਵਿੰਦਰ ਚਹਿਲ, ਅਤੇ ਰਘੁਵੀਰ ਪ੍ਰਕਾਸ਼ ਗਰਗ ਅਾਦਿ ਸੀਨੀਅਰ ਆਗੂ ਹਾਜ਼ਰ ਸਨ ।