ਲੋਕਾਂ ਦੀਆਂ ਭਾਵਨਾਵਾਂ ਉੱਤੇ ਖ਼ਰਾ ਉਤਰੇਗਾ ਬਾਂਸਲ ਪਰਿਵਾਰ : ਸ਼ਾਇਨਾ ਬਾਂਸਲ

ਲੋਕਾਂ ਦੀਆਂ ਭਾਵਨਾਵਾਂ ਉੱਤੇ ਖ਼ਰਾ ਉਤਰੇਗਾ ਬਾਂਸਲ ਪਰਿਵਾਰ : ਸ਼ਾਇਨਾ ਬਾਂਸਲ                                         ਮਨੀਸ਼ ਬਾਂਸਲ ਦੀ ਚੋਣ ਮੁਹਿੰਮ ਨੂੰ ਸ਼ਹਿਰੀ ਤੇ ਪਿੰਡਾਂ ਦੀਆਂ ਔਰਤਾਂ ਦਾ ਮਿਲ ਰਿਹੈ ਭਾਰੀ ਸਮਰਥਨ                                      ਬਰਨਾਲਾ (ਕੇਸ਼ਵ ਵਰਦਾਨ ਪੁੰਜ) - ਹਲਕਾ ਬਰਨਾਲਾ ਤੋਂ ਕਾਂਗਰਸੀ ਉਮੀਦਵਾਰ ਮੁਨੀਸ਼ ਬਾਂਸਲ ਦੇ ਚੋਣ ਜਲਸਿਆਂ ਨੂੰ ਸੰਬੋਧਨ ਕਰਦਿਆਂ ਉਨ੍ਹਾਂ  ਦੀ ਪਤਨੀ ਸ਼ਾਇਨਾ ਬਾਂਸਲ ਨੇ ਕਿਹਾ ਕਿ ਬਾਂਸਲ ਪਰਿਵਾਰ ਹਲਕਾ ਬਰਨਾਲਾ ਦੀਆਂ ਭਾਵਨਾਵਾਂ ਤੇ ਖਰਾ ਉਤਰੇਗਾ । ਉਨ੍ਹਾਂ ਕਿਹਾ ਕਿ ਕਾਂਗਰਸੀ ਵਰਕਰਾਂ ਅਹੁਦੇਦਾਰਾਂ ਅਤੇ ਹਲਕੇ ਦੇ ਲੋਕਾਂ ਦੀ ਅਣਦੇਖੀ ਕਿਸੇ ਵੀ ਸੂਰਤ ਵਿਚ ਬਰਦਾਸ਼ਤ ਨਹੀਂ ਕੀਤੀ ਜਾਵੇਗੀ ਤੇ ਸਭ ਨੂੰ ਪੂਰਾ ਮਾਣ ਸਤਿਕਾਰ ਦਿੱਤਾ ਜਾਵੇਗਾ । ਸਾਇਨਾ ਬਾਂਸਲ  ਨੇ ਦਰਜਨਾਂ ਪਿੰਡਾਂ ਅਤੇ ਸ਼ਹਿਰਾਂ ਵਿੱਚ ਭਰਵੇਂ ਚੋਣ ਜਲਸਿਆਂ ਨੂੰ ਸੰਬੋਧਨ ਕਰਦਿਆਂ ਕਿਹਾ । ਬਰਨਾਲਾ ਵਿੱਚ ਵੀ  ਘਰ ਘਰ ਚੋਣ ਪ੍ਰਚਾਰ ਕੀਤਾ ਤੇ ਚੋਣ ਪ੍ਰਚਾਰ ਦੌਰਾਨ ਸ਼ਾਇਨਾ ਬਾਂਸਲ ਨੂੰ ਔਰਤ ਵੋਟਰਾਂ ਦਾ  ਭਾਰੀ ਸਮਰਥਨ ਮਿਲਿਆ। ਉਨ੍ਹਾਂ ਭਰੋਸਾ ਦਿਵਾਇਆ ਕਿ ਔਰਤਾਂ ਦੀ ਰਾਖੀ ਲਈ ਵੀ ਹਮੇਸ਼ਾ ਆਵਾਜ਼ ਬੁਲੰਦ ਕੀਤੀ ਜਾਇਆ ਕਰੇਗੀ । ਉਨ੍ਹਾਂ ਕਿਹਾ ਕਿ ਨਾਰੀ ਸ਼ਕਤੀ ਨੂੰ ਕਿਸੇ ਵੀ ਸੂਰਤ ਵਿੱਚ ਅਣਦੇਖਿਆ  ਨਹੀਂ ਕੀਤਾ ਜਾ ਸਕਦਾ , ਜੋ ਕਿ ਸਮਾਜ ਦੀ ਸਿਰਜਣਹਾਰ ਹੈ । ਉਨ੍ਹਾਂ ਹਲਕੇ ਦੀਆਂ ਸਮੂਹ ਔਰਤ ਵੋਟਰਾਂ ਨੂੰ ਅਪੀਲ ਕੀਤੀ ਕਿ ਬਰਨਾਲਾ ਤੋਂ ਕਾਂਗਰਸੀ ਉਮੀਦਵਾਰ ਮਨੀਸ਼ ਬਾਂਸਲ ਨੂੰ ਭਾਰੀ ਬਹੁਮਤ ਨਾਲ ਜਿਤਾਇਆ ਜਾਵੇ । ਉਸ ਤੋਂ ਬਾਅਦ ਹਲਕੇ ਦੇ ਲੋਕਾਂ ਦੀ ਸੇਵਾ ਦੀ ਜ਼ਿੰਮੇਵਾਰੀ ਬਾਂਸਲ ਪਰਿਵਾਰ ਹੋਵੇਗੀ  ।ਸ਼ਾਇਨਾ ਬਾਂਸਲ ਨੇ ਕਿਹਾ ਕੇ  ਹਲਕੇ ਚ ਸਰਕਾਰੀ ਯੂਨੀਵਰਸਿਟੀ ਮੈਡੀਕਲ ਕਾਲਜ ਅਤੇ ਇੰਡਸਟਰੀਅਲ ਫੋਕਲ ਪੁਆਇੰਟ ਲਿਆਂਦਾ ਜਾਵੇਗਾ । ਜਿਸ ਰਾਹੀਂ ਜ਼ਿਲ੍ਹੇ ਦੇ ਪੰਜ ਲੱਖ ਨੌਜਵਾਨਾਂ ਨੂੰ ਪੱਕਾ ਰੁਜ਼ਗਾਰ ਮਿਲੇਗਾ । ਉਨ੍ਹਾਂ ਕਿਹਾ ਕਿ ਬਾਂਸਲ ਪਰਿਵਾਰ ਜੋ ਕਹਿੰਦਾ ਹੈ ਉਹ ਕਰਕੇ ਦਿਖਾਉਂਦਾ ਹੈ । ਉਨ੍ਹਾਂ ਕਿਹਾ ਕਿ ਹਲਕੇ ਦਾ ਸਰਬਪੱਖੀ ਵਿਕਾਸ ਕਰਨ ਦੇ ਨਾਲ ਨਾਲ ਪਿੰਡਾਂ ਦੀ ਨੁਹਾਰ ਬਦਲੀ ਜਾਵੇਗੀ ਤੇ  ਪਿੰਡਾਂ ਨੂੰ ਹਰ ਸਹੂਲਤ ਲਿਆ ਕੇ ਦਿੱਤੀ ਜਾਵੇਗੀ ਇਸ ਮੌਕੇ ਜ਼ਿਲ੍ਹਾ ਕਾਂਗਰਸ ਮਹਿਲਾ ਵਿੰਗ ਦੀ ਪ੍ਰਧਾਨ ਸੁਖਜੀਤ ਕੌਰ ਸੁੱਖੀ , ਰਿਤਿਕਾ ਚੌਧਰੀ , ਅਰਚਨਾ ਬਾਂਸਲ ,ਦੀਪਿਕਾ ,ਰਾਧਾ , ਗੀਤਾ,   ਉਰਮਲਾ ਰਾਣੀ , ਪ੍ਰੀਤੀ , ਬਲਜੀਤ ਕੌਰ , ਰਾਣੀ ਕੌਰ , ਸ਼ਿਮਲਾ ਦੇਵੀ , ਦਰਸ਼ਨ ਰਾਣੀ , ਮਹਿੰਦਰ ਕੌਰ , ਸੰਤੋਸ਼ ਰਾਣੀ ਆਦਿ ਤੋਂ ਇਲਾਵਾ ਹੋਰ  ਔਰਤਾਂ ਵੀ ਹਾਜ਼ਰ ਸਨ ।                                          ਫੋਟੋ ਕੈਪਸ਼ਨ ਬਰਨਾਲਾ ਵਿਖੇ ਚੋਣ ਪ੍ਰਚਾਰ ਘਰ ਘਰ ਜਾ ਕੇ ਚੋਣ ਪ੍ਰਚਾਰ ਕਰਦੀ ਹੋਈ ਕਾਂਗਰਸੀ ਉਮੀਦਵਾਰ ਦੀ ਪਤਨੀ ਸ਼ਾਇਨਾ ਬਾਂਸਲ ।