ਨਵੇਂ ਬਣ ਰਹੇ ਹਸਪਤਾਲ ਦਾ ਇਨਫ੍ਰਾਸਟ੍ਰਕਚਰ ਹੋਵੇਗਾ ਬਿਹਤਰ : ਮੁਨੀਸ਼ ਬਾਂਸਲ ਮਨੀਸ਼ ਬਾਂਸਲ ਵੱਲੋਂ ਅੱਧੀ ਦਰਜਨ ਤੋਂ ਵੱਧ ਪਿੰਡਾਂ ਦਾ ਤੂਫਾਨੀ ਦੌਰਾ

ਨਵੇਂ ਬਣ ਰਹੇ ਹਸਪਤਾਲ ਦਾ ਇਨਫ੍ਰਾਸਟ੍ਰਕਚਰ ਹੋਵੇਗਾ ਬਿਹਤਰ  : ਮੁਨੀਸ਼ ਬਾਂਸਲ                               ਮਨੀਸ਼ ਬਾਂਸਲ ਵੱਲੋਂ ਅੱਧੀ ਦਰਜਨ ਤੋਂ ਵੱਧ ਪਿੰਡਾਂ ਦਾ ਤੂਫਾਨੀ ਦੌਰਾ                                 ਬਰਨਾਲਾ 8(keshav Vardaan Punj) ਫ਼ਰਵਰੀ ਬਰਨਾਲਾ ਲਈ ਮਨਜ਼ੂਰ ਹੋਏ ਟਰਾਮਾ ਸੈਂਟਰ ਤੇ ਨਵੇਂ ਹਸਪਤਾਲ ਦਾ ਇਨਫ੍ਰਾਸਟ੍ਰਕਚਰ ਬਿਹਤਰ ਹੋਵੇਗਾ । ਇਨ੍ਹਾਂ ਸ਼ਬਦਾਂ ਦਾ ਪ੍ਰਗਟਾਵਾ ਹਲਕਾ ਬਰਨਾਲਾ ਤੋਂ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਮਨੀਸ਼ ਬਾਂਸਲ ਨੇ ਕਸਬਾ ਧਨੌਲਾ ਠੁੱਲੇਵਾਲ, ਭੱਠਲਾਂ, ਭੂਰੇ, ਦਾਨਗੜ੍ਹ,ਕੱਟੂ,ਹਰੀਗਡ਼੍ਹ ,ਸੇਖਾ ਆਦਿ ਪਿੰਡਾਂ ਚ ਚੋਣ ਜਲਸੇ ਨੂੰ ਸੰਬੋਧਨ ਕਰਦਿਆਂ ਕੀਤਾ ਉਨ੍ਹਾਂ ਕਿਹਾ ਕਿ ਨਵੇਂ ਬਣ ਰਹੇ ਇਸ ਹਸਪਤਾਲ ਚ ਡਾਕਟਰਾਂ ਅਤੇ ਨਰਸ ਨਰਸਿੰਗ ਸਟਾਫ ਦੀ ਗਿਣਤੀ ਵੀ ਪੂਰੀ ਕੀਤੀ ਜਾਵੇਗੀ ਤੇ ਇਹ ਹਸਪਤਾਲ ਚੌਵੀ ਘੰਟੇ ਬਿਹਤਰ ਸਿਹਤ ਸਹੂਲਤਾਂ ਦੇਣ ਵਿੱਚ ਸਹਾਈ ਹੋ ਸਕੇ । ਉਨ੍ਹਾਂ ਕਿਹਾ ਕਿ ਹਲਕੇ ਦੇ ਪਿੰਡਾਂ ਦਾ ਵੀ ਸਰਬਪੱਖੀ ਵਿਕਾਸ ਕੀਤਾ ਜਾਵੇਗਾ ਪਿੰਡਾਂ ਦੀਆਂ ਪੰਚਾਇਤਾਂ ਨੂੰ ਵਿਕਾਸ ਲਈ ਰਿਕਾਰਡ ਤੋੜ ਗ੍ਰਾਂਟਾਂ ਲਿਆ ਕੇ ਦਿੱਤੀਆਂ ਜਾਣਗੀਆਂ ਤੇ ਪਿੰਡਾਂ ਦਾ ਵਿਕਾਸ ਬਿਨਾਂ ਕਿਸੇ ਪੱਖਪਾਤ ਤੋਂ ਕੀਤਾ ਜਾਵੇਗਾ ।  ਇਸ ਮੌਕੇ ਮਨੀਸ਼ ਬਾਂਸਲ ਨੇ ਕਸਬਾ ਧਨੌਲਾ ਦੇ ਪ੍ਰਾਚੀਨ ਕਾਲੀ ਮਾਤਾ ਦੇ ਮੰਦਰ ਤੋਂ  ਆਸ਼ੀਰਵਾਦ ਵੀ ਪ੍ਰਾਪਤ ਕੀਤਾ । ਇਸ ਤੋਂ ਇਲਾਵਾ ਕੱਚਾ ਆਡ਼੍ਹਤੀਆ ਐਸੋਸੀਏਸ਼ਨ ਦੇ ਪ੍ਰਧਾਨ ਦਰਸ਼ਨ ਸਿੰਘ ਸੰਘੇੜਾ  ਨੇ ਮੁਨੀਸ਼ ਬਾਂਸਲ ਦੇ ਪਿਤਾ ਸਾਬਕਾ ਰੇਲਵੇ ਮੰਤਰੀ ਪਵਨ ਬਾਂਸਲ ਨੂੰ ਸਮਾਗਮ ਵਿੱਚ ਬੁਲਾ ਕੇ ਉਨ੍ਹਾਂ ਦਾ ਸਨਮਾਨ ਕੀਤਾ ਤੇ ਮਨੀਸ਼ ਬਾਂਸਲ ਦੀ ਡਟਵੀਂ ਹਮਾਇਤ ਦਾ ਐਲਾਨ ਕੀਤਾ । ਇਸ ਮੌਕੇ ਆਡ਼੍ਹਤੀ ਐਸੋਸੀਏਸ਼ਨ ਦੇ ਪ੍ਰਧਾਨ ਦਰਸ਼ਨ ਸਿੰਘ ਸੰਘੇੜਾ ਨੇ ਕਿਹਾ ਕਿ ਪਾਰਟੀ ਹਾਈ ਕਮਾਨ ਨੇ ਹਲਕਾ ਬਰਨਾਲਾ ਨੂੰ ਇੱਕ ਬਹੁਤ ਪੜ੍ਹਿਆ ਲਿਖਿਆ ਨੌਜਵਾਨ ਅਤੇ ਸੂਝਵਾਨ ਉਮੀਦਵਾਰ ਦਿੱਤਾ ਇਸ ਨੌਜਵਾਨ ਦੀ ਸੋਚ ਬਹੁਤ ਗਤੀਸ਼ੀਲ ਹੈ । ਜਿਸ ਕਾਰਨ ਇਹ ਜਿੱਤ ਤੋਂ ਬਾਅਦ ਹਲਕੇ ਦੀ ਕਾਇਆ ਕਲਪ ਕਰ ਕੇ ਰੱਖ ਦੇਵੇਗਾ ਅਤੇ ਬਰਨਾਲਾ ਅੰਦਰ ਚੰਡੀਗਡ਼੍ਹ ਵਰਗੀਆਂ ਸਹੂਲਤਾਂ ਪੈਦਾ ਕਰ ਦੇਵੇਗਾ । ਇਸ ਮੌਕੇ ਸਾਬਕਾ ਰੇਲਵੇ ਮੰਤਰੀ ਪਵਨ ਬਾਂਸਲ ਨੇ ਸਮੂਹ ਸ਼ਹਿਰੀਆਂ ਅਤੇ ਆਡ਼੍ਹਤੀਆ ਐਸੋਸੀਏਸ਼ਨ ਦੇ ਸਮੂਹ ਮੈਂਬਰਾਂ ਤੇ ਅਹੁਦੇਦਾਰਾਂ ਨੂੰ ਯਕੀਨ ਦਵਾਇਆ ਕਿ ਬਾਂਸਲ ਪਰਿਵਾਰ ਸਦਾ ਉਨ੍ਹਾਂ ਨਾਲ ਖੜ੍ਹਾ ਰਹੇਗਾ ਕਦੇ ਵੀ ਜ਼ਿੰਦਗੀ ਚ ਉਨ੍ਹਾਂ ਨੂੰ ਕੋਈ ਔਕੜ ਨਹੀਂ ਆਉਣ ਦੇਵੇਗਾ । ਇਸ ਮੌਕੇ ਵਿਵੇਕ ਕੁਮਾਰ, ਸੋਨੀ ਭੋਤਨਾ , ਨਵੀਨ , ਜਤਿੰਦਰ ਜੇਕੇ ਟਿੰਕੂ ਢਿੱਲੋਂ ਕਲਾਸ ਅਰੋਡ਼ਾ ਸਤੀਸ਼ ਜੱਜ ਗਿਆਨ ਚੰਦ ਭੋਤਨਾ ਸੁਰਿੰਦਰ ਚੀਮਾ ਤੋਂ ਇਲਾਵਾ ਵੱਡੀ ਗਿਣਤੀ ਵਿਚ ਆਡ਼੍ਹਤੀ ਐਸੋਸੀਏਸ਼ਨ ਦੇ ਆਗੂ ਤੇ ਮੈਂਬਰ ਹਾਜ਼ਰ ਸਨ ।                                 ਫੋਟੋ ਕੈਪਸ਼ਨ ਪਿੰਡ ਦਾਨਗੜ੍ਹ ਵਿਖੇ ਚੋਣ ਜਲਸੇ ਨੂੰ ਸੰਬੋਧਨ ਕਰਦੇ ਹੋਏ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਸ੍ਰੀ ਮਨੀਸ਼ ਬਾਂਸਲ