ਮਨੀਸ਼ ਬਾਂਸਲ ਦੇ ਹੱਕ ਵਿੱਚ ਸੁਰਿੰਦਰਪਾਲ ਸਿਬੀਆ ਤੇ ਕਾਲਾ ਢਿੱਲੋਂ ਨੇ ਕੀਤਾ ਪ੍ਰਚਾਰ

ਮਨੀਸ਼ ਬਾਂਸਲ ਦੇ ਹੱਕ ਵਿੱਚ   ਸੁਰਿੰਦਰਪਾਲ ਸਿਬੀਆ ਤੇ ਕਾਲਾ ਢਿੱਲੋਂ ਨੇ ਕੀਤਾ ਪ੍ਰਚਾਰ  

ਬਰਨਾਲਾ 8 ਫਰਵਰੀ  (ਕੇਸ਼ਵ ਵਰਦਾਨ ਪੁੰਜ)

ਵਿਧਾਨ ਸਭਾ ਹਲਕਾ ਬਰਨਾਲਾ ਤੋਂ ਕਾਂਗਰਸੀ ਉਮੀਦਵਾਰ ਮਨੀਸ਼ ਬਾਂਸਲ ਦੀ ਚੋਣ ਪ੍ਰਚਾਰ ਮੁਹਿੰਮ ਦਿਨੋਂ ਦਿਨ ਮਘਦੀ ਜਾ ਰਹੀ ਹੈ  । ਉਨ੍ਹਾਂ ਲਈ ਸੀਨੀਅਰ ਕਾਂਗਰਸੀ ਆਗੂ ਸੁਰਿੰਦਰਪਾਲ ਸਿਬੀਆ ਤੇ ਉੱਘੇ ਟਰਾਂਸਪੋਰਟਰ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਵੱਲੋਂ ਵੱਖ ਵੱਖ ਪਿੰਡਾਂ ਵਿੱਚ   ਲੋਕਾਂ ਨਾਲ ਮੀਟਿੰਗਾਂ ਕਰਕੇ ਮਨੀਸ਼ ਬਾਂਸਲ ਦੇ ਹੱਕ ਵਿੱਚ ਵੋਟਾਂ ਮੰਗੀਆਂ ।    ਇਸ ਮੌਕੇ ਸੁਰਿੰਦਰਪਾਲ ਸਿਬੀਆ ਤੇ ਕੁਲਦੀਪ ਸਿੰਘ ਕਾਲਾ ਢਿੱਲੋਂ ਨੇ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਉਮੀਦਵਾਰ ਮਨੀਸ਼ ਬਾਂਸਲ ਇੱਕ ਸੂਝਵਾਨ ਤੇ ਬੁੱਧੀਜੀਵੀ  ਵਿਅਕਤੀ ਹਨ  । ਉਨ੍ਹਾਂ ਦੇ ਬਰਨਾਲਾ ਵਿੱਚ ਆਉਣ ਨਾਲ ਜਿੱਥੇ ਕਾਂਗਰਸੀਆਂ ' ਚ ਨਵੀਂ ਊਰਜਾ ਪੈਦਾ ਹੋਈ ਹੈ ਉਥੇ ਹੀ ਸ਼ਹਿਰ ਵਾਸੀਆਂ ਵਿੱਚ ਵੀ ਹੌਸਲੇ ਬੁਲੰਦ ਹੋਏ ਹਨ  । ਮਨੀਸ਼ ਬਾਂਸਲ ਦੇ ਹੱਕ ਚ ਸ਼ਹਿਰ ਅੰਦਰ ਲੋਕਾਂ ਵੱਲੋਂ ਦਿਨ ਰਾਤ ਇਕ ਕਰਕੇ ਪ੍ਰਚਾਰ ਕੀਤਾ ਜਾ ਰਿਹਾ ਹੈ ਤੇ ਮਨੀਸ਼ ਬਾਂਸਲ ਦੇ ਹੱਕ ਚ ਹਾਅ ਦਾ ਨਾਅਰਾ ਮਾਰਿਆ ਜਾ ਰਿਹਾ ਹੈ  ।ਮਨੀਸ਼ ਬਾਂਸਲ ਲਈ ਉਨ੍ਹਾਂ ਵੱਲੋਂ ਪਿੰਡ ਪਿੰਡ ਜਾ ਕੇ ਲੋਕਾਂ ਨਾਲ ਮੀਟਿੰਗਾਂ ਕੀਤੀਆਂ ਜਾਣਗੀਆਂ ਤੇ ਕਾਂਗਰਸ ਦੀਆਂ ਨੀਤੀਆਂ ਸਬੰਧੀ ਲੋਕਾਂ ਨੂੰ ਜਾਗਰੂਕ ਕਰਦੇ ਹੋਏ  ਮਨੀਸ਼ ਬਾਂਸਲ ਦੇ ਹੱਕ ਚ ਵੋਟਾਂ ਮੰਗੀਆਂ ਜਾਣਗੀਆਂ  । ਇਸ ਮੌਕੇ ਬਲਦੇਵ ਸਿੰਘ ਭੁੱਲਰ , ਸਾਬਕਾ ਐਮਸੀ ਜਸਵਿੰਦਰ ਸਿੰਘ ਟਿੱਲੂ , ਐਡਵੋਕੇਟ ਜਤਿੰਦਰ ਕੁਮਾਰ ਬਹਾਦੁਰਪੁਰੀਆ  ਤੋਂ ਇਲਾਵਾ ਹੋਰ ਆਗੂ ਵੀ ਹਾਜ਼ਰ ਸਨ ।                        ਫੋਟੋ ਕੈਪਸ਼ਨ :ਵੱਖ ਵੱਖ ਪਿੰਡਾਂ ਵਿਚ ਮੀਟਿੰਗਾਂ ਕਰਨ ਉਪਰੰਤ ਗੱਲਬਾਤ ਕਰਦੇ ਹੋਏ ਸੁਰਿੰਦਰਪਾਲ ਸਿਵੀਆ ਤੇ ਹੋਰ