ਪ੍ਰਾਇਮਰੀ ਸਕੂਲ ਅਮਲਾ ਸਿੰਘ ਵਾਲਾ ਚ ਕੀਤਾ ਸੇਫਟੀ ਅਡਵਾਇਜ਼ਰੀ ਕਮੇਟੀ ਦਾ ਗਠਨ

ਪ੍ਰਾਇਮਰੀ ਸਕੂਲ ਅਮਲਾ ਸਿੰਘ ਵਾਲਾ ਚ ਕੀਤਾ ਸੇਫਟੀ ਅਡਵਾਇਜ਼ਰੀ ਕਮੇਟੀ ਦਾ ਗਠਨ    .        ਸਰਦਾਰ ਹਰਬੰਸ ਸਿੰਘ ਫੌਜੀ ਸਮਾਜ ਸੇਵੀ ਚੁਣੇ ਗਏ ਸਰਬਸੰਮਤੀ ਨਾਲ ਚੇਅਰਮੈਨ ।        

    ਬਰਨਾਲਾ,13 ਜੁਲਾਈ (ਸੁਖਵਿੰਦਰ ਸਿੰਘ ਭੰਡਾਰੀ) ਸਰਕਾਰੀ ਪ੍ਰਾਇਮਰੀ ਸਕੂਲ ਅਮਲਾ ਸਿੰਘ ਵਾਲਾ ਵਿਖੇ ਸਿੱਖਿਆ ਵਿਭਾਗ ਪੰਜਾਬ ਦੀਆਂ ਹਦਾਇਤਾਂ ਅਤੇ ਜ਼ਿਲ੍ਹਾ ਸਿੱਖਿਆ ਅਫ਼ਸਰ (ਐਲੀਮੈਂਟਰੀ ਸਿੱਖਿਆ) ਬਰਨਾਲਾ ਸਰਬਜੀਤ ਸਿੰਘ ਤੂਰ ਦੀ ਅਗਵਾਈ ਚ ਸਕੂਲ ਸੇਫਟੀ ਅਡਵਾਇਜ਼ਰੀ ਕਮੇਟੀ  ਦਾ ਗਠਨ ਕੀਤਾ ਗਿਆ। ਸਕੂਲ ਮੁਖੀ ਨਰਿੰਦਰ ਕੁਮਾਰ ਨੇ ਦੱਸਿਆ ਕਿ ਇਸ ਕਮੇਟੀ ਦਾ ਮਕਸਦ ਵਿਦਿਆਰਥੀਆਂ ਨੂੰ ਘਰ ਅਤੇ ਸਕੂਲ ਵਿੱਚ ਹੋਣ ਵਾਲੀਆਂ ਦੁਰਘਟਨਾਵਾਂ ਜਿਵੇਂ ਕਿ ਅੱਗ ਲੱਗਣਾ,  ਬਿਜਲੀ ਦਾ ਕਰੰਟ ਲੱਗਣਾ , ਸੱਪ ਜਾਂ ਜ਼ਹਿਰੀਲੇ ਜਾਨਵਰ ਤੋਂ ਬਚਣਾ, ਘਰ ਵਿੱਚ ਪਈਆਂ ਦਵਾਈਆਂ ਦੀ ਜਾਣਕਾਰੀ ਆਦਿ ਬਾਰੇ  ਜਾਗਰੂਕ ਕਰਨਾ ਹੈ । ਇਸ ਕਮੇਟੀ ਦੇ ਚੇਅਰਮੈਨ ਹਰਬੰਸ ਸਿੰਘ ਫੌਜੀ ਨੂੰ ਬਣਾਇਆ ਗਿਆ।  ਬਾਕੀ ਮੈਂਬਰ ਅਜੀਤ ਕੌਰ ,ਅਮਨਦੀਪ ਕੌਰ ਸੋਨੀ, ਰਾਣੋ, ਕੁਲਦੀਪ ਕੌਰ, ਅਮਨਦੀਪ ਕੌਰ, ਨਿਰਮਲ ਕੌਰ, ਸਿਮਰਜੀਤ ਕੌਰ ਅਤੇ  ਜਸਵੀਰ ਕੌਰ ਸ਼ਾਮਿਲ ਕੀਤੇ ਗਏ ਹਨ।