ਸ਼ਹਿਣਾ ਵਿਖੇ ਬਜ਼ੁਰਗ ਔਰਤ ਦਾ ਕਤਲ ਕਰਕੇ ਲੁੱਟਿਆ ਕੀਮਤੀ ਸਾਮਾਨ

ਸ਼ਹਿਣਾ ਵਿਖੇ ਬਜ਼ੁਰਗ ਔਰਤ ਦਾ ਕਤਲ ਕਰਕੇ ਲੁੱਟਿਆ ਕੀਮਤੀ ਸਾਮਾਨ  

 ਬਰਨਾਲਾ, 3 ਨਵੰਬਰ (ਸੁਖਵਿੰਦਰ ਸਿੰਘ ਭੰਡਾਰੀ)   ਅੱਜ ਸਵੇਰੇ ਕਰੀਬ ਪੰਜ ਵਜੇ ਪੰਜ ਛੇ ਲੁਟੇਰੇ ਐੱਨ ਆਰ ਆਈ ਕੈਨੇਡਾ ਵਾਸੀ ਸੇਵਾਮੁਕਤ ਮੁੱਖ ਅਧਿਆਪਕ ਲਛਮਣ ਸਿੰਘ ਦੇ ਘਰ ਤੂਤੜਾ ਪੱਤੀ ਸ਼ਹਿਣਾ ਵਿਖੇ ਆ ਵੜੇ । ਲੁਟੇਰਿਆਂ ਨੇ ਸੇਵਾਮੁਕਤ ਲਛਮਣ ਸਿੰਘ ਨੂੰ ਬੰਨ੍ਹ ਕੇ ਉਨ੍ਹਾਂ ਦੀ ਪਤਨੀ ਅਮਰਜੀਤ ਕੌਰ ਦਾ ਕਤਲ ਕਰ ਦਿੱਤਾ । ਲੁਟੇਰੇ ਬਾਈ ਤੋਲੇ ਸੋਨਾ ਤੇ ਕੀਮਤੀ ਸਾਮਾਨ ਲੈ ਗਏ । ਘਟਨਾ ਦੀ ਸੂਚਨਾਂ ਮਿਲਦਿਆਂ ਹੀ ਡੀ ਐੱਸ ਪੀ ਤਪਾ ਹਰਵਿੰਦਰ ਸਿੰਘ ਅਤੇ ਐਸ ਐਚ ਓ ਸ਼ਹਿਣਾ ਨੇ ਮੌਕੇ ਤੇ ਪਹੁੰਚ ਕੇ ਤਹਿਕੀਕਾਤ  ਸ਼ੁਰੂ ਕਰ ਦਿੱਤੀ । ਇਲਾਕੇ ਦੇ ਇਨਸਾਫ਼ਪਸੰਦ ਲੋਕਾਂ ਨੇ ਪੰਜਾਬ ਦੀ ਨਿੱਘਰਦੀ ਅਮਨ ਕਾਨੂੰਨ ਦੀ ਹਾਲਤ ਅਤੇ ਲੁਟੇਰਿਆਂ ਦੇ ਵਧ ਰਹੇ ਹੌਸਲਿਆਂ ਤੇ ਚਿੰਤਾ ਪ੍ਰਗਟ ਕਰਦਿਆਂ ਸਖ਼ਤ ਕਦਮ ਚੁੱਕਣ ਦੀ ਮੰਗ ਕੀਤੀ ਹੈ ।