ਰੋਲਰ ਸਕੇਟਿੰਗ,ਚ ਰਵਨੀਤ ਨੇ ਕੌਮੀ ਖੇਡਾਂ ਵਿੱਚ ਚਮਕਾਇਆ ਸੰਗਰੂਰ ਜ਼ਿਲ੍ਹੇ ਦਾ ਨਾਂ।

 ਰੋਲਰ ਸਕੇਟਿੰਗ,ਚ ਰਵਨੀਤ ਨੇ ਕੌਮੀ ਖੇਡਾਂ ਵਿੱਚ ਚਮਕਾਇਆ ਸੰਗਰੂਰ ਜ਼ਿਲ੍ਹੇ ਦਾ ਨਾਂ।

     ਕਮਲੇਸ਼ ਗੋਇਲ 

ਖਨੌਰੀ 21 ਦਸੰਬਰ - ਬੀਤੇ ਦਿਨੀਂ ਕਰਨਾਟਕ ਦੀ ਰਾਜਧਾਨੀ ਬੰਗਲੋਰੂ ਵਿਖੇ ਸੰਪੰਨ ਹੋਈ 60ਵੀਂ ਕੌਮੀ ਰੋਲਰ ਸਕੇਟਿੰਗ ਚੈਂਪੀਅਨਸ਼ਿਪ ਦੇ ਅੰਡਰ 14 ਕੁੜੀਆਂ ਦੇ ਇਨਲਾਇਨ ਹਾਕੀ ਸਕੇਟਿੰਗ ਵਿਚ ਆਪਣੀ ਟੀਮ ਨਾਲ ਵਧੀਆ  ਪ੍ਰਦਰਸ਼ਨ ਦੌਰਾਨ ਸਿਲਵਰ ਮੈਡਲ ਪ੍ਰਾਪਤ ਕਰਕੇ ਆਪਣਾ, ਆਪਣੇ ਮਾਤਾ-ਪਿਤਾ ਅਤੇ ਜ਼ਿਲ੍ਹਾ ਹੀ ਨਹੀਂ ਬਲਕਿ ਪੰਜਾਬ ਦਾ ਨਾਮ ਰੌਸ਼ਨ ਕੀਤਾ ਹੈ। ਰਵਨੀਤ ਨੇ ਇਸ ਸ਼ਾਨਦਾਰ ਪ੍ਰਾਪਤੀ 'ਤੇ ਖੁਸ਼ੀ ਦਾ ਇਜ਼ਹਾਰ ਕਰਦਿਆਂ  ਆਪਣੇ ਕੋਚ ਸ਼੍ਰੀ ਰਾਮੇਸ਼ ਕੁਮਾਰ ਜੀ ਦੀ ਮਿਹਨਤ ਅਤੇ ਸਿਰੜ  ਦਾ ਨਤੀਜਾ ਦੱਸਿਆ ਹੈ।ਇਸ ਨੈਸ਼ਨਲ ਖੇਡਾਂ ਵਿੱਚ ਸਬ ਜੂਨੀਅਰ ਵਰਗ ਦੀ ਇਸ ਖਿਡਾਰਨ ਨੂੰ ਆਪਣੇ  ਲਿਟਲ ਫਲਾਵਰ ਸਕੂਲ ਸੰਗਰੂਰ ਲਈ ਮਾਣਮੱਤੀ ਪ੍ਰਾਪਤੀ ਦੱਸਿਆ ਹੈ। ਚੇਤੇ ਰਹੇ ਕਿ ਇਸ ਵਾਰ ਪੁਲਿਸ ਸਕੇਟਿੰਗ ਕਲੱਬ ਸੰਗਰੂਰ ਦੇ ਲੱਗਭੱਗ ਤਿੰਨ ਦਰਜਨ ਖਿਡਾਰੀਆਂ ਨੇ   ਰਾਸ਼ਟਰੀ ਪੱਧਰ ਦੇ ਮੁਕਾਬਲਿਆਂ ਵਿੱਚ ਸਮੂਲੀਅਤ ਕੀਤੀ ਹੈ।