ਅਸ਼ੀਸ਼ ਦੇਵ ਆਪਣਾ ਨਵਾਂ ਸਿੰਗਲ ਟਰੈਕ ‘ਅਰਜ਼ੀ’ ਲੈ ਕੇ ਸਰੋਤਿਆਂ ਦੇ ਰੂ-ਬ-ਰੂ

 ਅਸ਼ੀਸ਼ ਦੇਵ ਆਪਣਾ ਨਵਾਂ ਸਿੰਗਲ ਟਰੈਕ ‘ਅਰਜ਼ੀ’ ਲੈ ਕੇ ਸਰੋਤਿਆਂ ਦੇ ਰੂ-ਬ-ਰੂ   

ਬਰਨਾਲਾ, 20 ਦਸੰਬਰ (ਸੁਖਵਿੰਦਰ ਸਿੰਘ ਭੰਡਾਰੀ)-ਜਲੰਧਰ ਸ਼ਹਿਰ ਦੇ ਉਭਰਦੇ ਗਾਇਕ ਅਤੇ ਅਦਾਕਾਰ ਅਸ਼ੀਸ਼ ਦੇਵ ਅਪਣਾ ਨਵਾਂ ਗਾਣਾ ‘ਅਰਜ਼ੀ’ ਲੈ ਕੇ ਸਰੋਤਿਆਂ ਦੀ ਕਚਹਿਰੀ ਵਿੱਚ ਹਾਜ਼ਰ ਹੋ ਰਹੇ ਹਨ। ਇਸ ਪ੍ਰੋਜੈਕਟ ਦੇ ਕਰਤਾ ਧਰਤਾ ਅਸ਼ੀਸ਼ ਦੇਵ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇਹ ਗਾਣਾ ਉਨ੍ਹਾਂ ਦੇ ਯੂਟਿਊਬ ਚੈਨਲ ਏ ਐਂਡ ਐਸ ਤੇ ਰਲੀਜ਼ ਕੀਤਾ ਜਾਵੇਗਾ। ਇਸ ਗਾਣੇ ਦੀ ਵੀਡੀਓ ਦਾ ਨਿਰਦੇਸ਼ਨ ਖੁਦ ਉਨ੍ਹਾਂ ਨੇ ਹੀ ਕੀਤਾ ਹੈ ਅਤੇ ਗੀਤ ਦੇ ਬੋਲ ਵੀ ਖੁਦ ਉਨ੍ਹਾਂ ਦੇ ਹੀ ਲਿਖੇ ਹੋਏ ਹਨ।

ਇਹ ਗੀਤ ਇੰਟਰਨੈੱਟ ਦੀਆਂ ਵੱਖ-ਵੱਖ ਸ਼ੋਸਲ ਸਾਈਟਾਂ ਤੋਂ ਇਲਾਵਾ ਯੂਟਿਊਬ ਤੇ ਉਪਲੱਬਧ ਹੋਵੇਗਾ। ਇਸ ਤੋਂ ਇਲਾਵਾ ਫੇਸਬੁੱਕ, ਇੰਟਸਾਗ੍ਰਾਮ, ਸਟੈਪਚੈਟ, ਐਮਾਜਾਨ ਮਿਊਜ਼ਿਕ, ਸਪੋਟੀਫਾਈ, ਹਗਾਮਾ ਮਿਊਜ਼ਿਕ ਆਦਿ ਉਪਰ ਵੀ ਸਰੋਤੇ ਦੇਖ ਸੁਣ ਸਕਣਗੇ। ਅਸ਼ੀਸ਼ ਦੇਵ ਨੇ ਦੱਸਿਆ ਕਿ ਇਸ ਤੋਂ ਪਹਿਲਾ ਵੀ ਉਹ ਆਪਣੇ ਚਾਰ ਸੋਲੋ ਟਰੈਕ ‘ਚੋਰੀ-ਚੋਰੀ’ , ‘ਕੰਗਣਾ’ , ‘ਤੂੰ ਮੇਰੀ ਮੈਂ ਤੇਰਾ’ , ‘ਗੋਰਾ ਹੁਸਨ ਤੇਰਾ’ , ਸਰੋਤਿਆ ਦੀ ਕਚਿਹਰੀ ਵਿੱਚ ਪੇਸ਼ ਕਰ ਚੁੱਕੇ ਹਨ। ਉਨ੍ਹਾਂ ਕਿਹਾ ਕਿ ਹੁਣ ਨਵੇਂ ਰਿਲੀਜ਼ ਹੋ ਰਹੇ ਗਾਣੇ ‘ਅਰਜ਼ੀ’ ਤੋਂ ਵੀ ਉਨ੍ਹਾਂ ਨੂੰ ਪੂਰੀ ਉਮੀਦ ਹੈ ਕਿ ਇਸ ਸਰੋਤਿਆ ਨੂੰ ਖੂਬ ਪਸੰਦ ਆਵੇਗਾ।