ਖਨੌਰੀ ਸੜਕ ਹਾਦਸੇ ਚ ਚੌਕੀਦਾਰ ਦੀ ਮੌਤ

 ਖਨੌਰੀ ਸੜਕ ਹਾਦਸੇ ਚ ਚੌਕੀਦਾਰ ਦੀ ਮੌਤ

   ਕਮਲੇਸ਼ ਗੋਇਲ ਖਨੌਰੀ 

  ਖਨੌਰੀ 15 ਦਸੰਬਰ - ਨਜ਼ਦੀਕੀ ਪਿੰਡ ਅਨਦਾਨਾ ਦੇ ਰਹਿਣ ਵਾਲੇ ਗਾਂਧੀ ਰਾਮ ਪੁੱਤਰ    ਫਤਾ ਰਾਮ ਦੀ ਪਿਛਲੇ ਦਿਨੀ ਖਨੌਰੀ ਮੰਡੀ ਵਿੱਚ ਸੜਕ ਦੁਰਘਟਨਾ ਵਿੱਚ  ਮੌਤ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ l ਜਾਣਕਾਰੀ ਅਨੂਸਾਰ ਗਾਂਧੀ ਰਾਮ ਉਮਰ 56 ਸਾਲ ਟਰੱਕ ਮਾਰਕੀਟ ਵਿੱਚ ਚੌਕੀਦਾਰ ਦਾ ਕੰਮ ਕਰਦਾ ਸੀ l ਜਦੋਂ ਰਾਤ ਨੂੰ ਖਾਣਾ ਲੈ ਕੇ ਦੁਕਾਨ ਵੱਲ ਨੂੰ ਮੇਨ ਹਾਈ ਵੇ ਤੇ ਪੈਦਲ ਆ ਰਿਹਾ ਸੀ ਤਾਂ ਅਗਿਆਤ ਮੋਟਰ ਸਾਇਕਲ ਵਾਲੇ ਨੇ ਟੱਕਰ ਮਾਰ ਦਿੱਤੀ l ਜਿਸ ਨਾਲ ਉਹ ਗੰਭੀਰ ਜ਼ਖਮੀ ਹੋ ਗਿਆ l ਲੋਕਾਂ ਦੀ ਮਦਦ ਨਾਲ ਟੋਹਾਣਾ (ਹਰਿਆਣਾ) ਲਿਜਾਇਆ ਗਿਆ l ਡਾਕਟਰਾਂ ਨੇ ਮਿਰਤਕ ਐਲਾਨ ਕਰ ਦਿੱਤਾ l ਪੂਲੀਸ ਨੇ ਪੋਸਟ ਮਾਰਟਮ ਕਰਵਾ ਕੇ ਲਾਸ਼ ਵਾਰਿਸਾਂ ਦੇ ਹਵਾਲੇ ਕਰ ਦਿੱਤੀ l ਲੋਕਾਂ ਦਾ ਇਹ ਵੀ ਕਹਿਣਾ ਹੈ ਕਿ ਜੇ ਖਨੌਰੀ ਵਿੱਚ ਇੱਕ ਹਸਪਤਾਲ ਬਣ ਜਾਵੇ ਤਾਂ ਕੀਮਤੀ ਜਾਨਾਂ ਬਚ ਜਾਣ l ਪਿਛਲੀਆਂ ਸਰਕਾਰਾਂ ਨੇ ਨਾਂ ਇਥੇ ਕਾਲਜ ਬਣਾਇਆ ਤੇ ਨਾਂ ਇਥੇ ਹਸਪਤਾਲ ਜਿਸ ਕਾਰਣ ਲੋਕਾਂ ਨੇ ਉਨਾਂ ਸਰਕਾਰਾਂ ਨੂੰ  ਚਲਦਾ ਕਰ ਦਿੱਤਾ ਸੀ l