ਚਾਈਨਾ ਡੋਰ ਨੇ ਬੱਚੇ ਦਾ ਗਲ ਅਤੇ ਕੰਨ ਵੱਡਿਆ, ਕਈ ਟੰਕੇ ਲੱਗੇ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਪ੍ਰਸ਼ਾਸਨ ਤੋਂ ਚਾਈਨਾ ਡੋਰ ਦੀ ਵਿਕਰੀ ਕਰਨ ਵਾਲਿਆਂ ਤੇ ਸ਼ਿਕੰਜਾ ਕਸਣ ਦੀ ਕੀਤੀ ਮੰਗ

 ਚਾਈਨਾ ਡੋਰ ਨੇ ਬੱਚੇ ਦਾ ਗਲ ਅਤੇ ਕੰਨ ਵੱਡਿਆ, ਕਈ ਟੰਕੇ  ਲੱਗੇ     ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਪ੍ਰਸ਼ਾਸਨ ਤੋਂ ਚਾਈਨਾ ਡੋਰ ਦੀ ਵਿਕਰੀ ਕਰਨ ਵਾਲਿਆਂ ਤੇ ਸ਼ਿਕੰਜਾ ਕਸਣ ਦੀ ਕੀਤੀ ਮੰਗ    

   ਤਪਾ ਮੰਡੀ / ਬਰਨਾਲਾ 16 ਜਨਵਰੀ--(ਸੁਖਵਿੰਦਰ ਸਿੰਘ ਭੰਡਾਰੀ/ ਕੇਸ਼ਵ ਵਰਦਾਨ ਪੁੰਜ ) ਚਾਈਨਾ ਡੋਰ ਦੀ ਵਿਕਰੀ ਨੂੰ ਰੋਕਣ ਦੇ ਪੰਜਾਬ ਸਰਕਾਰ ਅਤੇ ਪ੍ਰਸ਼ਾਸਨ ਦੇ ਦਾਅਵੇ ਖੋਖਲੇ ਦਿਖਾਈ ਦੇ ਰਹੇ ਹਨ ਜਿਸ ਦੀ ਤਾਜ਼ਾ ਮਿਸਾਲ ਤਪਾ ਸ਼ਹਿਰ ਅੰਦਰ ਦੀ ਬਾਜੀਗਰ ਬਸਤੀ ਦੇ ਬੱਚੇ ਦੇ ਜ਼ਖ਼ਮੀ ਹੋ ਜਾਣ ਤੋਂ ਮਿਲਦੀ ਹੈ। ਬਾਜੀਗਰ ਬਸਤੀ ਦੇ ਲੋਕਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੀਤੀ ਕੱਲ ਇੱਕ ਦਸ- ਬਾਰ੍ਹਾਂ ਸਾਲ ਦਾ ਬੱਚਾ ਲਖਵਿੰਦਰ ਚਾਈਨਾ ਡੋਰ 'ਚ ਵਿੱਚ ਫਸ ਗਿਆ ਜਿਸ ਨੇ ਚਾਈਨਾ ਡੋਰ ਚੌਂ ਨਿਕਲਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਇਹ ਚਾਈਨਾ ਡੋਰ ਬੱਚੇ ਲਈ ਘਾਤਕ ਸਾਬਤ ਹੋਈ ਜਿਸ ਨੇ ਬੱਚੇ ਦੇ ਗਲ ਅਤੇ ਕੰਨ ਨੂੰ ਚੀਰਦੇ ਹੋਏ ਬੁਰੀ ਤਰ੍ਹਾਂ ਜ਼ਖ਼ਮੀ ਕਰ ਦਿੱਤਾ। ਇਸ ਮੌਕੇ ਉਨ੍ਹਾਂ ਦੱਸਿਆ ਕਿ ਜ਼ਖ਼ਮੀ ਲਖਵਿੰਦਰ ਰਾਮ ਨੂੰ ਉਸ ਦੇ ਮਾਪਿਆਂ ਵੱਲੋਂ ਇੱਕ ਪ੍ਰਾਈਵੇਟ ਡਾ ਨਰੇਸ਼ ਬਾਂਸਲ ਦੇ ਹਸਪਤਾਲ ਦਾਖਲ ਕਰਵਾਇਆ ਗਿਆ ਜਿੱਥੇ ਬੱਚੇ ਦੇ ਕੰਨ ਅਤੇ ਗਰਦਨ ਤੇ ਕਈ ਟੰਕੇ ਲੱਗੇ ਹਨ।ਜਦ ਕਿ ਬੱਚੇ ਦੀ ਹਾਲਤ ਸਥਿਰ ਹੈ। ਜ਼ਖ਼ਮੀ ਬੱਚੇ ਦੇ ਪਰਿਵਾਰਕ ਮੈਂਬਰਾਂ ਅਤੇ ਸ਼ਹਿਰ ਦੇ ਸਮਾਜ ਸੇਵੀ ਸੰਸਥਾਵਾਂ ਦੇ ਨੁਮਾਇੰਦਿਆਂ ਨੇ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਚਾਈਨਾ ਡੋਰ ਵੇਚਣ, ਤਿਆਰ ਕਰਨ ਅਤੇ ਵਰਤੋਂ ਕਰਨ  ਵਾਲਿਆਂ ਤੇ ਪੂਰਨ ਸ਼ਿਕੰਜਾ ਕਸਿਆ ਜਾਵੇ।