ਕੂੜਾ ਪ੍ਰਬੰਧਨ ਦੀ ਡਿਊਟੀ ਕਰ ਰਹੇ ਮੋਟੀਵੇਟਰਾਂ ਦਾ ਕੀਤਾ ਸਨਮਾਨ

 ਕੂੜਾ ਪ੍ਰਬੰਧਨ ਦੀ ਡਿਊਟੀ ਕਰ ਰਹੇ ਮੋਟੀਵੇਟਰਾਂ ਦਾ ਕੀਤਾ ਸਨਮਾਨ     

    

  ਬਰਨਾਲਾ 11 ਜਨਵਰੀ (ਸੁਖਵਿੰਦਰ ਸਿੰਘ ਭੰਡਾਰੀ) ਨਗਰ ਕੌਂਸਲ ਬਰਨਾਲਾ ਵੱਲੋਂ ਸੈਂਨੀਟਰੀ ਇੰਸਪੈਕਟਰ  ਅੰਕੁਸ਼ ਕੁਮਾਰ,ਸੀ ਐੱਫ ਪਾਰੁਲ ਗਰਗ ਅਤੇ  ਹਰਕੇਸ਼ ਕੁਮਾਰ ਦੀ ਦੇਖ-ਰੇਖ ਹੇਠ ਕੂੜਾ ਪ੍ਰਬੰਧਨ ਦੀ ਡਿਊਟੀ ਸੰਭਾਲ ਰਹੇ ਬਲਵਿੰਦਰ ਸਿੰਘ ਮੋਟੀਵੇਟਰ, ਅਰਜੁਨ ਕੁਮਾਰ ਮੋਟੀਵੇਟਰ, ਅਮਨਦੀਪ ਕੌਰ, ਮੋਟੀਵੇਟਰ, ਨਿਸ਼ਾ ਵਰਮਾ ਮੋਟੀਵੇਟਰ, ਏਕਤਾ ਸਫ਼ਾਈ ਸੇਵਕ ਅਤੇ ਮੇਟ ਰਾਜਿੰਦਰ ਕੁਮਾਰ ਨੂੰ ਨਵ ਜੰਮੀਆ ਧੀਆਂ ਦੇ ਸਨਮਾਨ ਸਮਾਰੋਹ ਵਿਖੇ ਸਨਮਾਨਿਤ ਕੀਤਾ ਗਿਆ।

ਇਸ ਮੌਕੇ ਬੋਲਦਿਆਂ ਪ੍ਰਧਾਨ ਸੁਖਵਿੰਦਰ ਸਿੰਘ ਭੰਡਾਰੀ, ਮੀਤ ਪ੍ਰਧਾਨ ਗੁਰਮੀਤ ਸਿੰਘ ਮੀਮਸਾ ਅਤੇ ਜਨਰਲ ਸਕੱਤਰ ਰਾਜੇਸ ਭੁਟਾਨੀ ਨੇ ਕਿਹਾ ਕਿ ਨਗਰ ਕੌਂਸਲ ਦੇ ਮੋਟੀਵੇਟਰ, ਮੇਟ ਰਾਜਿੰਦਰ ਕੁਮਾਰ ਆਦਿ ਕਰਮਚਾਰੀ ਬਹੁਤ ਹੀ ਵਧੀਆ ਢੰਗ ਨਾਲ ਕੂੜਾ ਪ੍ਰਬੰਧਨ ਦੀ ਡਿਊਟੀ ਸੰਭਾਲ ਰਹੇ ਹਨ । ਉਹ ਲੋਕਾਂ ਨੂੰ ਗਿੱਲਾ ਅਤੇ ਸੁੱਕਾ ਕੂੜਾ ਅਲੱਗ ਅਲੱਗ ਕਰਕੇ ਸਫ਼ਾਈ ਕਰਮਚਾਰੀ ਦੀ ਰੇਹੜੀ ਚ ਸੰਬੰਧਿਤ ਖਾਨਿਆਂ ਚ ਪਾਉਣ ਲਈ ਪ੍ਰੇਰਿਤ ਕਰ ਰਹੇ ਹਨ। ਇਸ ਮੌਕੇ ਸਨਮਾਨਿਤ ਹੋਣ ਉਪਰੰਤ ਸਮੂਹ ਮੋਟੀਵੇਟਰਾਂ ਨੇ ਵਿਸ਼ਵਾਸ਼ ਦੁਆਇਆ ਕਿ ਉਹ ਹੋਰ ਵੀ ਤਨ-ਦੇਹੀ ਦੇ ਨਾਲ ਪੂਰੇ ਕੂੜਾ ਪ੍ਰਬੰਧਨ ਨੂੰ ਨੇਪਰੇ ਚਾੜ੍ਹਣਗੇ।