ਪਿੰਡ ਢਿੱਲਵਾਂ 'ਚ ਨਗਰ ਕੀਰਤਨ ਸਜਾਇਆ ਗਿਆ
ਸਾਲਾਨਾ ਸਮਾਗਮ ਸੰਪੰਨ
ਬਰਨਾਲਾ/ਤਪਾ ਮੰਡੀ 15 (ਜਨਵਰੀ ਸੁਖਵਿੰਦਰ ਸਿੰਘ ਭੰਡਾਰੀ) ਨੇੜਲੇ ਪਿੰਡ ਢਿੱਲਵਾਂ ਵਿਖੇ ਸ਼੍ਰੀ ਗੁਰੂ ਤੇਗ ਬਹਾਦਰ ਸਾਹਿਬ ਜੀ ਦੇ ਆਮਦ ਪੁਰਬ ਨੂੰ ਸਮਰਪਿਤ ਸਾਲਾਨਾ ਸਮਾਗਮ ਨਗਰ ਕੀਰਤਨ ਸਜਾਉਣ ਨਾਲ ਸੰਪੰਨ ਹੋ ਗਿਆ ।
12 ਜਨਵਰੀ ਤੋ ਸ਼ੁਰੂ ਸਮਾਗਮ ਦੇ ਅਖੀਰਲੇ ਦਿਨ ਗੁਰਦੁਆਰਾ ਸਾਹਿਬ ਪਾਤਸ਼ਾਹੀ ਨੌਵੀਂ ਢਿੱਲਵਾਂ ਤੋ ਪੰਜ ਪਿਆਰੇ ਸਾਹਿਬਾਨ ਦੀ ਅਗਵਾਈ ਵਿੱਚ ਨਗਰ ਕੀਰਤਨ ਸ਼ੁਰੂ ਹੋਇਆ ।
ਗੁਰਦੁਆਰਾ ਸਾਹਿਬ ਦੇ ਮੈਨੇਜਰ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਸ੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਅੰਤ੍ਰਿੰਗ ਕਮੇਟੀ ਮੈਂਬਰ ਪਰਮਜੀਤ ਸਿੰਘ ਖਾਲਸਾ ਅਤੇ ਸੰਤ ਬਾਬਾ ਟੇਕ ਸਿੰਘ ਧਨੌਲਾ ਨੇ ਨਗਰ ਕੀਰਤਨ ਨੂੰ ਰਵਾਨਗੀ ਦਿੱਤੀ ।
ਰਸੀਵਰ ਅਮਰੀਕ ਸਿੰਘ ਦੀ ਨਿਗਰਾਨੀ ਹੇਠ ਹੋਏ ਨਗਰ ਕੀਰਤਨ ਨੇ ਸਮੁੱਚੇ ਨਗਰ ਦੀ ਪਰਕਰਮਾ ਕਰਕੇ ਸ਼ਾਮ ਵੇਲੇ ਗੁਰਦੁਆਰਾ ਸਾਹਿਬ ਵਿਖੇ ਸਮਾਪਤੀ ਹੋਈ।
ਇਸ ਮੌਕੇ ਪ੍ਰਸਿੱਧ ਢਾਡੀ ਭਾਈ ਕੇਵਲ ਸਿੰਘ ਮੱਲੀ ਅਤੇ ਗੁਰਦੀਪ ਸਿੰਘ ਚੱਕ ਭਾਈ ਕੇ,ਕਵੀਸ਼ਰ ਗੁਰਬਚਨ ਸਿੰਘ ਸੰਘੇੜਾ ,ਨਿਰਮਲ ਹੀਰਾ ਨੇ ਹਾਜ਼ਰੀ ਭਰੀ।
ਵੱਖ ਵੱਖ ਪੜਾਵਾਂ ਉੱਤੇ ਸੰਗਤਾਂ ਵੱਲੋਂ ਜਲੇਬੀਆਂ,ਪਕੌੜੇ,ਬਰੈੱਡ ਅਤੇ ਬਿਸਕੁਟਾਂ ਦੇ ਲੰਗਰ ਲਗਾਏ ਗਏ ।
ਭਾਈ ਖੁਸ਼ਵਿੰਦਰ ਸਿੰਘ ਖੁੱਡੀ ਕਲਾਂ ਦੇ ਜਥੇ ਵੱਲੋ ਗੱਤਕੇ ਦੇ ਜੌਹਰ ਵਿਖਾਏ ਗਏ।
ਇਸ ਮੌਕੇ ਰਣਦੀਪ ਸਿੰਘ ਸਾਬਕਾ ਚੇਅਰਮੈਨ,ਸਰਪੰਚ ਲਖਵਿੰਦਰ ਸਿੰਘ,ਸਰਪੰਚ ਗੁਲਾਬ ਸਿੰਘ,ਸਰਪੰਚ ਜੋਗਿੰਦਰ ਸਿੰਘ ਬਰਾੜ,ਸਰਪੰਚ ਗੁਰਜੰਟ ਸਿੰਘ,ਕਿਸਾਨ ਆਗੂ ਨਛੱਤਰ ਸਿੰਘ,ਲਖਵਿੰਦਰ ਸਿੰਘ,ਰੂਪ ਸਿੰਘ ਢਿੱਲਵਾਂ,ਸਮਾਜ ਸੇਵੀ ਮੇਵਾ ਸਿੰਘ,ਸ੍ਰ ਇੰਦਰਜੀਤ ਸਿੰਘ ਢਿੱਲੋ ਕਨੇਡੀਅਨ,ਪ੍ਰਚਾਰਕ ਭਾਈ ਦਰਸ਼ਨ ਸਿੰਘ ,ਗ੍ਰੰਥੀ ਗੁਰਦੀਪ ਸਿੰਘ, ਰਾਗੀ ਹਰਬੰਸ ਸਿੰਘ ,ਲਖਵਿੰਦਰ ਸਿੰਘ ਲੇਖਾਕਾਰ,ਜਸਵਿੰਦਰ ਸਿੰਘ ਆਦਿ ਹਾਜ਼ਰ ਸਨ।
ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਢਿੱਲਵਾਂ ਦੇ ਵਿਦਿਆਰਥੀਆਂ ਵੱਲੋਂ ਵੀ ਬਤੌਰ ਵਲੰਟੀਅਰ ਸੇਵਾ ਨਿਭਾਈ।
संदेश
.jpg)
0 comments:
एक टिप्पणी भेजें