ਫ਼ਲਦਾਰ, ਫੁੱਲਾਂ ਵਾਲੇ ਅਤੇ ਮੈਡੀਸੀਨਲ ਬੂਟੇ ਲਗਾਏ।

 ਫ਼ਲਦਾਰ, ਫੁੱਲਾਂ ਵਾਲੇ ਅਤੇ ਮੈਡੀਸੀਨਲ ਬੂਟੇ ਲਗਾਏ।       

ਬਰਨਾਲਾ, 15 ਮਾਰਚ (ਸੁਖਵਿੰਦਰ ਸਿੰਘ ਭੰਡਾਰੀ /ਕੇਸ਼ਵ ਵਰਦਾਨ ਪੁੰਜ ) ਵਾਤਾਵਰਣ ਸੰਯੋਜਕ ਜ਼ਿਲ੍ਹਾ ਬਰਨਾਲਾ ਦੇ ਇੰਚਾਰਜ ਰਾਜੇਸ਼ ਭੁਟਾਨੀ ਦੀ ਅਗਵਾਈ ਵਿੱਚ ਸੇਖਾ ਰੋਡ ਬਰਨਾਲਾ ਵਿਖੇ ਵਾਤਾਵਰਣ ਨੂੰ ਸਾਫ ਸੁਥਰਾ ਅਤੇ ਹਰਾ ਭਰਾ ਬਣਾਉਣ ਲਈ *ਏਕ ਪੇਡ ਦੇਸ਼ ਕੇ ਨਾਮ* ਦੀ ਮੁਹਿੰਮ ਤਹਿਤ  9 ਪ੍ਰਕਾਰ ਦੇ  ਮੈਡੀਸੀਨਲ, ਛਾਂਦਾਰ ਅਤੇ ਫੁੱਲਾਂ ਵਾਲੇ ਲਗਭਗ 70 ਦੇ ਕਰੀਬ ਬੂਟੇ ਲਗਾਏ ਗਏ। ਇਸ ਮੌਕੇ ਰਾਮ ਤੀਰਥ ਮੰਨਾ ਚੇਅਰਮੈਨ ਨਗਰ ਸੁਧਾਰ ਟਰੱਸਟ ਬਰਨਾਲਾ ਆਪਣੀ ਟੀਮ ਸਮੇਤ  ਬਤੌਰ ਮੁੱਖ ਮਹਿਮਾਨ ਹਾਜ਼ਰ ਹੋਏ। ਸ਼੍ਰੀ ਗੁਰੂ ਗਰੰਥ ਸਾਹਿਬ ਸਤਿਕਾਰ ਸਭਾ ਬਰਨਾਲਾ ਦੇ ਸਰਪ੍ਰਸਤ ਬਾਬਾ ਸੁਖਦਰਸ਼ਨ  ਸਿੰਘ ਜੀ ਵੱਲੋਂ ਅਰਦਾਸ ਬੇਨਤੀ ਕਰਨ ਉਪਰੰਤ ਰਾਮ ਤੀਰਥ ਮੰਨਾ ਨੇ ਆਪਣੇ ਕਰ ਕਮਲਾਂ   ਨਾਲ ਰੁੱਖ ਲਗਾਉਣ ਦੀ ਸ਼ੁਰੂਆਤ ਕੀਤੀ । ਇਸ ਮੌਕੇ ਬੋਲਦਿਆਂ ਨਿਯੁਕਤ ਚੇਅਰਮੈਨ ਨਗਰ ਸੁਧਾਰ ਟਰੱਸਟ ਬਰਨਾਲਾ ਰਾਮ ਤੀਰਥ ਮੰਨਾ ਨੇ ਕਿਹਾ ਕਿ ਰੁੱਖਾਂ ਤੋਂ ਵਗੈਰ ਮਨੁੱਖੀ ਜੀਵਨ ਦੀ ਕਲਪਨਾ ਵੀ ਨਹੀਂ ਕੀਤੀ ਜਾ ਸਕਦੀ ਕਿਉਂਕਿ ਰੁੱਖ ਹੀ ਆਕਸੀਜਨ ਦਾ ਇਕੋ ਇੱਕ ਜਰੀਆ ਹਨ। ਇਸ ਲਈ ਸਾਨੂੰ ਸਭ ਨੂੰ ਰੁੱਖ ਲਗਾਉਣੇ ਚਾਹੀਦੇ ਹਨ ਅਤੇ ਇੰਨ੍ਹਾਂ ਦੀ ਸੰਭਾਲ ਕਰਨੀ ਚਾਹੀਦੀ ਹੈ।ਵਾਤਾਵਰਣ ਪ੍ਰੇਮੀ ਰਾਜੇਸ਼ ਭੁਟਾਨੀ ਨੇ ਕਿਹਾ ਕਿ ਜੇਕਰ ਅਜੇ ਵੀ ਅਸੀਂ ਵਾਤਾਵਰਣ ਦੀ ਸ਼ੁੱਧਤਾ ਲਈ  ਮਿੱਟੀ ਪਾਣੀ ਅਤੇ ਹਵਾ ਨੂੰ ਪ੍ਦੂਸ਼ਿਤ ਹੋਣ ਤੋਂ ਨਾ ਰੋਕਿਆ ਤਾਂ  ਸਾਡੀਆਂ ਆਉਣ ਵਾਲੀਆਂ ਨਸਲਾਂ ਨੂੰ ਇਸ ਦੇ ਗੰਭੀਰ ਸਿੱਟੇ ਭੁਗਤਣੇ ਪੈਣਗੇ। ਇਸ ਲਈ  ਸਾਨੂੰ *ਹਰ ਮਨੁੱਖ ਲਾਵੇ ਇੱਕ ਰੁੱਖ* ਦੀ ਜ਼ਿੰਮੇਵਾਰੀ ਨੂੰ ਪੂਰੀ ਤਨਦੇਹੀ ਨਾਲ ਨਿਭਾਉਣਾ ਚਾਹੀਦਾ ਹੈ। ਇਸ ਮੌਕੇ ਬਾਬਾ ਮੇਜਰ  ਸਿੰਘ, ਮੱਖਣ ਲਾਲ, ਹੇਮਰਾਜ ਵਰਮਾ, ਸੁਖਦਰਸ਼ਨ ਕੁਮਾਰ ਨੇ ਵੀ ਸੰਬੋਧਨ ਕੀਤਾ। ਇਹ ਸਾਰੇ ਪੌਦੇ ਅਤੇ ਪ੍ਰੋਗਰਾਮ ਦਰਸ਼ਨ ਗੁਪਤਾ ਵੱਲੋਂ ਸਪਾਂਸਰ ਕੀਤਾ ਗਿਆ। ਇਸ ਮੌਕੇ ਸਭਨਾਂ ਨੂੰ ਲੱਡੂਆਂ  ਦਾ ਪ੍ਰਸ਼ਾਦਿ  ਵੰਡਿਆ ਗਿਆ। ਅੰਤ ਵਿੱਚ ਸੁਰਿੰਦਰ ਨੰਦਰਾ ਨੇ ਇਸ ਕਾਰਜ ਦੀ ਸ਼ਲਾਘਾ ਕੀਤੀ ਅਤੇ ਸਾਰਿਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਬਾਬਾ ਸੁਖਦਰਸ਼ਨ ਸਿੰਘ, ਕੇਵਲ ਕ੍ਰਿਸ਼ਨ  ਬੂਟਾ ਸਿੰਘ,ਹਿੰਮਾਸ਼ੂ ਗੌਤਮ,  ਗੁਰਸੇਵਕ ਸਿੰਘ ਸਿੱਧੂ,  ਤੇਜ ਕੁਮਾਰ ਪਟਵਾਰੀ ਅਤੇ ਦਰਸ਼ਨ ਕੁਮਾਰ ਗਰਗ ਆਦਿ ਹਾਜ਼ਰ ਸਨ।