ਪਿੰਡ ਬਨਾਰਸੀ ਵਿਖੇ ਕੁਲਦੀਪ ਸ਼ਰਮਾ ਦੇ ਖੇਤ ਵਿੱਚ ਫਸਲੀ ਵਿਭਿਨਤਾ ਪ੍ਰੋਗਰਾਮ ਤਹਿਤ ਫਾਰਮ ਸਕੂਲ ਦਾ ਅਯੋਜਨ ਕੀਤਾ
ਕਮਲੇਸ਼ ਗੋਇਲ ਖਨੌਰੀ
ਖਨੌਰੀ 10 ਮਾਰਚ - ਅੱਜ ਪਿੰਡ ਬਨਾਰਸੀ ਵਿਖੇ ਸ਼੍ਰੀ ਕੁਲਦੀਪ ਸ਼ਰਮਾ ਦੇ ਖੇਤ ਵਿੱਚ, ਡਾ: ਹਰਬੰਸ ਸਿੰਘ ਮੁੱਖ ਖੇਤੀਬਾੜੀ ਅਫਸਰ ਸੰਗਰੂਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ, ਬਲਾਕ ਅਨਦਾਨਾ (ਲਹਿਰਾਗਾਗਾ) ਵੱਲੋਂ ਫਸਲੀ ਵਿਭਿਨਤਾ ਪ੍ਰੋਗਰਾਮ ਤਹਿਤ ਸਰੋਂ ਦੀ ਸੁਚੱਜੀ ਕਾਸ਼ਤ ਸਬੰਧੀ ਕਿਸਾਨਾਂ ਨੂੰ ਸਿਖਲਾਈ ਮੁਹਇਆ ਕਰਵਾਉਣ ਲਈ ਫਾਰਮ ਸਕੂਲ ਦਾ ਆਯੋਜਨ ਕੀਤਾ ਗਿਆ। ਖੇਤੀਬਾੜੀ ਅਤੇ ਕਿਸਾਨ ਭਲਾਈ ਵਿਭਾਗ ਵੱਲੋਂ ਏ ਟੀ ਐਮ ਗੁਰਸੇਵਕ ਸਿੰਘ ਪਹੁੰਚੇ। ਏ ਟੀ ਐਮ ਗੁਰਸੇਵਕ ਸਿੰਘ ਵੱਲੋਂ ਭੂਮੀ ਦੀ ਸਿਹਤ ਬਾਰੇ ਜਾਣਕਾਰੀ ਦਿੱਤੀ ਅਤੇ ਮਿੱਟੀ ਅਤੇ ਪਾਣੀ ਦੇ ਸੈਂਪਲ ਲੈਣ ਬਾਰੇ ਜਾਣਕਾਰੀ ਅਤੇ ਹਾੜ੍ਹੀ ਦੀਆਂ ਫਸਲਾਂ ਬਾਰੇ ਜਾਣਕਾਰੀ ਦਿੱਤੀ। ਸਰਬਜੀਤ ਸਿੰਘ ਬੀ. ਐਸ. ਸੀ. ਐਗਰੀਕਲਚਰ ਵੱਲੋਂ ਕਣਕ ਸਰੋਂ ਵਿਚ ਕੀੜੇ ਅਤੇ ਬਿਮਾਰੀਆਂ ਬਾਰੇ ਜਾਣਕਾਰੀ ਦਿੱਤੀ, ਹਰਸ਼ਦੀਪ ਬੀ.ਐਸ. ਸੀ. ਐਗਰੀਕਲਚਰ ਵੱਲੋਂ ਚਾਰੇ ਦੀ ਫਸਲ ਅਤੇ ਹੋਰ ਫ਼ਸਲਾਂ ਵਿੱਚ ਖਤਰਨਾਕ ਖੇਤੀ ਰਸਾਇਣ ਨਾ ਵਰਤਣ ਦੀ ਅਪੀਲ ਕੀਤੀ, ਕਿਸਾਨ ਸ੍ਰੀ ਰਾਮਫਲ ਸਿੰਘ ਵੱਲੋਂ ਬਿਨਾਂ ਪਰਾਲੀ ਜਲਾਏ ਹੈਪੀਸੀਡਰ ਅਤੇ ਸੁਪਰ ਸੀਡਰ ਨਾਲ ਬਿਜਾਈ ਕਰਨ ਦੀ ਅਪੀਲ ਕੀਤੀ, ਸ੍ਰੀ ਕੁਲਦੀਪ ਸ਼ਰਮਾ ਨੇ ਪ੍ਰੋਗਰਾਮ ਵਿੱਚ ਆਏ ਕਿਸਾਨਾਂ ਦਾ ਸਵਾਗਤ ਕੀਤਾ ਅਤੇ ਤੇਲ ਬੀਜਾਂ ਦੀ ਕਾਸਤ ਅਤੇ ਭੋਜਨ ਵਿੱਚ ਸਰੋਂ ਦੇ ਤੇਲ ਦਾ ਉਪਯੋਗ ਅਤੇ ਤੇਲ ਬੀਜ ਫਸਲਾਂ ਦੇ ਭਵਿੱਖ ਬਾਰੇ ਵਿਚਾਰ ਸਾਂਝੇ ਕੀਤੇ ਅਤੇ ਕਿਸਾਨਾਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਪਿੰਡ ਬਨਾਰਸੀ ਦੇ ਲਗਭਗ 30 ਕਿਸਾਨ ਹਾਜ਼ਰ ਸਨ। ਪ੍ਰੋਗਰਾਮ ਦੀ ਵੀਡੀਓਗ੍ਰਾਫੀ ਵਿਵੇਕ ਸ਼ਰਮਾ ਵੱਲੋਂ ਕੀਤੀ ਗਈ।
संदेश
.jpg)
0 comments:
एक टिप्पणी भेजें