ਕਿੱਕ ਬਾਕਸਿੰਗ ਦਾ ਰੋਜ਼ਾ ਜਿਲਾ ਪੱਧਰੀ ਟੂਰਨਾਮੈਂਟ ਕਰਵਾਇਆ

 ਕਿੱਕ ਬਾਕਸਿੰਗ ਦਾ ਰੋਜ਼ਾ ਜਿਲਾ ਪੱਧਰੀ ਟੂਰਨਾਮੈਂਟ ਕਰਵਾਇਆ

ਬਰਨਾਲਾ, 7 ਮਈ ( ਕੇਸ਼ਵ ਵਰਦਾਨ ਪੁੰਜ/ਡਾ ਰਾਕੇਸ਼ ਪੁੰਜ  ) : ਬਰਨਾਲਾ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਵੱਲੋਂ ਐੱਸ ਐੱਸ ਕਾਲਜ ਬਰਨਾਲਾ ਵਿਖੇ ਪਲੇਠਾ ਦੋ ਦਿਨਾਂ ਜਿਲਾ ਕਿੱਕ ਬਾਕਸਿੰਗ ਟੂਰਨਾਮੈਂਟ ਕਰਵਾਇਆ ਗਿਆ। ਜਿਲਾ ਬਰਨਾਲਾ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਪ੍ਰਧਾਨ ਕਮਲ ਗੁਪਤਾ 'ਬੱਬੂ' ਅਤੇ ਜਨਰਲ ਸਕੱਤਰ ਸ਼ਿਵ ਸਿੰਗਲਾ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਸ ਟੂਰਨਾਮੈਂਟ ਸੀਨੀਅਰ, ਯੂਨੀਅਰ, ਸਬ ਯੂਨੀਅਰ ਅਤੇ ਓਪਨ ਦੇ ਮੁਕਾਬਲਿਆਂ ਵਿੱਚ 85 ਬੱਚਿਆਂ ਨੇ ਲਿਆ। ਉਹਨਾਂ ਦੱਸਿਆ ਕਿ ਇਸ ਟੂਰਨਾਮੈਂਟ ਵਿਚ ਭਾਗ ਲੈਣ ਵਾਲੇ ਬੱਚੇ ਬਰਨਾਲਾ, ਧਨੌਲਾ, ਠੀਕਰੀਵਾਲ ਅਤੇ ਜਿਲੇ ਦੇ ਹੋਰ ਵੱਖ ਵੱਖ ਕਲੱਬਾਂ ਨਾਲ ਸਬੰਧਿਤ ਹਨ ਅਤੇ ਇਸ ਜਿਲਾ ਪੱਧਰੀ ਟੂਰਨਾਮੈਂਟ ਵਿਚੋਂ ਜੇਤੂ ਰਹੇ ਬੱਚਿਆਂ ਦੀ ਅੱਗੇ ਸਟੇਟ ਟੂਰਨਾਮੈਂਟ ਲਈ ਚੋਣ ਕੀਤੀ ਜਾਵੇਗੀ। ਇਸ ਟੂਰਨਾਮੈਂਟ ਵਿੱਚ ਮੁੱਖ ਮਹਿਮਾਨ ਵੱਜੋਂ ਜਿਲਾ ਯੋਜਨਾ ਬੋਰਡ ਬਰਨਾਲਾ ਦੇ ਚੇਅਰਮੈਨ ਗੁਰਦੀਪ ਸਿੰਘ ਬਾਠ, ਵਿਸ਼ੇਸ਼ ਮਹਿਮਾਨ ਵੱਜੋਂ ਨਗਰ ਸੁਧਾਰ ਟਰੱਸਟ ਬਰਨਾਲਾ ਦੇ ਚੇਅਰਮੈਨ ਰਾਮ ਤੀਰਥ ਸਿੰਘ ਮੰਨਾ ਨੇ ਸਿਰਕਤ ਕੀਤੀ। ਇਸ ਮੌਕੇ ਬਰਨਾਲਾ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਚੇਅਰਮੈਨ ਅਰਵਿੰਦ ਸਿੰਗਲਾ, ਸੀਨੀ ਮੀਤ ਪ੍ਰਧਾਨ ਵਾਰੁਣ ਭਾਰਤੀ, ਮੀਤ ਪਰਧਾਨ ਬੀ.ਬੀ. ਗੋਇਲ, ਖਜਾਨਚੀ ਸੰਜੀਵ ਕੁਮਾਰ, ਮੀਡੀਆ ਸਲਾਹਕਾਰ ਰਵਿੰਦਰ ਸ਼ਰਮਾ, ਕਾਰਜਕਾਰੀ ਮੈਂਬਰ ਰਜਿੰਦਰ ਬਰਾੜ,  ਗੁਰਦਿੱਤ ਪੁਰੀ, ਹਿੱਤ ਅਭਿਲਾਸ਼ ਗੁਪਤਾ, ਸੰਜੀਵ ਕੁਮਾਰ ਜਿੰਦਲ, ਬਾਲ ਕਿਸ਼ਨ ਗੋਇਲ, ਸਬ ਇੰਸਪੈਕਟਰ ਰੇਨੂੰ, ਕੋਚ ਜਸਪਰੀਤ ਸਿੰਘ ਢੀਂਡਸਾ, ਆਮ ਆਦਮੀ ਪਾਰਟੀ ਦੇ ਸੀਨੀਅਰ ਆਗੂ ਜਸਵਿੰਦਰ ਸਿੰਘ ਸੰਘੇੜਾ, ਐੱਸ ਐੱਸ ਕਾਲਜ ਦੇ ਪ੍ਰਬੰਧਕ ਮੁਨੀਸ਼ੀ ਦੱਤ ਸ਼ਰਮਾ, ਪ੍ਰੋ: ਗੁਰਪਿਆਰ ਸਿੰਘ, ਪ੍ਰੋ: ਪਰਵਿੰਦਰ ਕੌਰ, ਸੁਪਰਵਾਇਜਰ ਜਗਸੀਰ ਸਿੰਘ ਸੰਧੂ, ਅਸ਼ੀਸ਼ ਜਿੰਦਲ ਆਦਿ ਹਾਜਰ ਸਨ।