ਬੀ.ਐੱਡ ਅਧਿਆਪਕ ਫਰੰਟ ਪੰਜਾਬ ਇਕਾਈ ਦੀ ਹੋਈ ਅਹਿਮ ਮੀਟਿੰਗ
ਬਰਨਾਲਾ 5 ਮਈ (ਸੁਖਵਿੰਦਰ ਸਿੰਘ ਭੰਡਾਰੀ) ਬੀ.ਐੱਡ ਅਧਿਆਪਕ ਫਰੰਟ ਪੰਜਾਬ ਇਕਾਈ ਬਰਨਾਲਾ ਦੀ ਅਹਿਮ ਮੀਟਿੰਗ ਜਿਲ੍ਹਾ ਪ੍ਰਧਾਨ ਪਰਮਿੰਦਰ ਸਿੰਘ ਰੁਪਾਲ, ਲੈਕ ਨਿਰਮਲ ਸਿੰਘ ਪੱਖੋ, ਨਿਤਿਨ ਸੋਢੀ, ਕੇਵਲ ਸਿੰਘ ਦੀ ਅਗਵਾਈ ਵਿੱਚ ਜ਼ਿਲ੍ਹਾ ਸਿੱਖਿਆ ਅਫ਼ਸਰ(ਐ.ਸਿੱ) ਬਰਨਾਲਾ ਨਾਲ ਕੀਤੀ ਗਈ। ਜਿਸ ਵਿੱਚ ਜ਼ਿਲ੍ਹਾ ਅਤੇ ਬਲਾਕ ਕਮੇਟੀਆਂ ਦੇ ਅਹੁਦੇਦਾਰਾਂ ਅਤੇ ਫਰੰਟ ਦੇ ਮੈਂਬਰਾਂ ਨੇ ਇੱਕ ਵੱਡੇ ਵਫ਼ਦ ਦੇ ਰੂਪ ਵਿੱਚ ਹਿੱਸਾ ਲਿਆ। ਮੀਟਿੰਗ ਦਾ ਏਜੰਡੇ ਵਿੱਚ ਅਧਿਆਪਕਾਂ ਨੂੰ ਆ ਰਹੀਆਂ ਸਮੱਸਿਆਵਾਂ ਜਿਵੇਂ ਕਿ ਵਿਭਾਗ ਵੱਲੋਂ ਬੱਚਿਆਂ ਦੇ ਦਾਖਲੇ ਸੰਬੰਧੀ ਬੇਲੋੜੇ ਦਬਾਅ ਪਾਉਣਾ, ਵਿਭਾਗੀ ਡਾਕ ਨੂੰ ਬੇ ਟਾਇਮੇ ਅਤੇ ਵਟਸਐਪ ਦਾ ਸਹੀ ਚੈਨਲ ਮੰਗੇ ਜਾਣ, ਖਾਲੀ ਪਈਆਂ ਅਸਾਮੀਆਂ ਉੱਪਰ ਐਚ.ਟੀ ਦੀਆਂ ਪ੍ਰੋਮੋਸਨਾ ਤੁਰੰਤ ਕਰਨ,ਸਿੱਧੀ ਭਰਤੀ ਦੇ ਐੱਚ ਟੀ ਅਤੇ ਸੀ ਐਚ ਟੀ ਦੇ ਇੰਨਕਰੀਮੈਂਟ ਲਗਾਉਣ, ਅਧਿਆਪਕਾਂ ਦੇ ਮੈਡੀਕਲ ਬਿਲਾਂ ਦੀ ਅਦਾਇਗੀ, ਆਨੰਦਪੁਰ ਸਾਹਿਬ ਖੇਡਾਂ ਦੇ ਸਰਟੀਫਿਕੇਟ, ਏ ਸੀ ਆਰ , ਡੈਪੂਟੇਸ਼ਨ, ਅਤੇ ਪ੍ਰਾਇਮਰੀ ਸਕੂਲ ਸੰਘੇੜਾ ਦੀ ਬਿਲਡਿੰਗ ਦੇ ਵਿਚਕਾਰ ਦੀ ਲੰਘ ਰਹੀਆਂ ਹਾਈ ਸਕੂਲ ਦੇ ਸਟਾਫ ਦੀਆਂ ਗੱਡੀਆਂ ਕਰਕੇ ਛੋਟੇ ਮਾਸੂਮ ਬੱਚਿਆਂ ਨੂੰ ਆ ਰਹੀਆਂ ਸਮੱਸਿਆਵਾਂ ਉੱਪਰ ਬਹੁਤ ਹੀ ਵਿਸਥਾਰ ਨਾਲ ਚਰਚਾ ਹੋਈ। ਆਗੂਆਂ ਦੀ ਗੱਲ ਨੂੰ ਡੀ ਈ ਓ ਸਾਹਿਬ ਨੇ ਬਹੁਤ ਹੀ ਸਕਾਰਾਤਮਕ ਪੱਖ ਤੋਂ ਸੁਣਿਆ ਅਤੇ ਜੱਥੇਬੰਦੀ ਨੂੰ ਉਪਰੋਕਤ ਸਾਰੀਆਂ ਸਮੱਸਿਆਵਾਂ ਦਾ ਜਲਦੀ ਹੱਲ ਕਰਨ ਦਾ ਭਰੋਸਾ ਦਿੱਤਾ। ਇਸ ਮੀਟਿੰਗ ਵਿੱਚ ਜੱਥੇਬੰਦੀ ਦੇ ਸਾਰੇ ਸੀਨੀਅਰ ਆਗੂ ਸਕੱਤਰ ਸੁਖਬੀਰ ਸਿੰਘ , ਬਲਾਕ ਪ੍ਰਧਾਨ ਮਹਿਲ ਕਲਾਂ ਜਗਜੀਤ ਸਿੰਘ ਛਾਪਾ , ਬਲਾਕ ਪ੍ਰਧਾਨ ਬਰਨਾਲਾ ਹਰਜੀਤ ਸਿੰਘ ਖੁੱਡੀ ਬਲਾਕ ਪ੍ਰਧਾਨ ਸ਼ਹਿਣਾ ਨਰਿੰਦਰ ਢਿੱਲਵਾਂ ਮੀਤ ਪ੍ਰਧਾਨ ਕਰਮਜੀਤ ਸਿੰਘ ਭੋਤਨਾ , ਹਰਵਿੰਦਰ ਸਿੰਘ, ਜਗਰਾਜ ਸਿੰਘ, ਸ਼ਰਨਜੀਤ ਸਿੰਘ, ਮਨਜੀਤ ਸਿੰਘ ਠੀਕਰੀਵਾਲ, ਹਰੀ ਸਿੰਘ, ਗਗਨਦੀਪ ਘਈ, ਪਰਮਿੰਦਰ ਸਿੰਘ ਫੌਜੀ, ਅਮਨਦੀਪ ਸਿੰਘ, ਸਰਬਦੀਪ ਸਿੰਘ, ਜਗਜੀਤ ਸਿੰਘ, ਮੇਜਰ ਸਿੰਘ ਅਤੇ ਗੁਰਸੇਵਕ ਸਿੰਘ ਨੇ ਸ਼ਮੂਲੀਅਤ ਕੀਤੀ।
संदेश
0 comments:
एक टिप्पणी भेजें