ਗਹਿਰੀ ਧੁੰਦ ਹੋਣ ਕਾਰਨ ਧਨੌਲਾ ਚ ਬੱਸ ਤੇ ਟਰੱਕ ਦੀ ਟੱਕਰ ,ਸਵਾਰੀਆਂ ਦਾ ਰਿਹਾ ਬਚਾ

 ਗਹਿਰੀ ਧੁੰਦ ਹੋਣ ਕਾਰਨ ਧਨੌਲਾ ਚ ਬੱਸ ਤੇ ਟਰੱਕ ਦੀ ਟੱਕਰ ,ਸਵਾਰੀਆਂ ਦਾ ਰਿਹਾ ਬਚਾ

ਸੰਜੀਵ ਗਰਗ ਕਾਲੀ 

 ਧਨੌਲਾ ਮੰਡੀ,12 ਨਵੰਬਰ :- ਸਰਦੀਆਂ ਦਾ ਮੌਸਮ ਸ਼ੁਰੂ ਹੋ ਗਿਆ ਹੈ ਤੇ ਧੁੰਦ ਵੀ ਗਹਿਰੀ ਪੈਣ ਲੱਗ ਪਈ ਹੈ। ਅੱਜ ਸਵੇਰੇ 6 ਵਜੇ ਦੇ ਕਰੀਬ ਧਨੌਲਾ ਬਰਨਾਲਾ ਰੋਡ ਤੇ ਇੱਕ ਟਰੱਕ ਅਤੇ ਬੱਸ ਦੀ ਧੁੰਦ ਕਾਰਨ ਟੱਕਰ ਹੋ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਇਕੱਤਰ ਕੀਤੀ ਜਾਣਕਾਰੀ ਅਨੁਸਾਰ ਬਠਿੰਡਾ ਤੋਂ ਚੰਡੀਗੜ੍ਹ ਜਾ ਰਹੀ ਪੀਆਰਟੀਸੀ ਦੀ ਬੱਸ ਜਦੋਂ ਧਨੌਲਾ ਹਾਈਵੇ ਤੇ ਪਹੁੰਚੀ ਤਾਂ ਧਨੌਲਾ ਤੋਂ ਰਾਜਗੜ੍ਹ ਰੋਡ ਨੂੰ ਜਾਣ ਲਈ ਸੜਕ ਪਾਰ ਕਰਦੇ ਹੋਏ ਚੌਲਾਂ ਦੇ ਟਰੱਕ ਵਿਚਕਾਰ ਟੱਕਰ ਹੋ ਗਈ। ਵਾਹਿਗੁਰੂ ਦੀ ਕਿਰਪਾ ਨਾਲ ਜਾਨੀ ਨੁਕਸਾਨ ਤੋਂ ਬਚਾ ਰਹਿ ਗਿਆ।  ਬੱਸ ਦੇ ਡਰਾਈਵਰ ਜੋਧਾ ਸਿੰਘ ਨੇ ਦੱਸਿਆ ਕਿ ਧੁੰਦ ਜਿਆਦਾ ਹੋਣ ਕਾਰਨ ਨਾ ਤਾਂ ਟਰੱਕ ਵਾਲਿਆਂ ਨੂੰ ਦਿਸਿਆ ਨਾ ਹੀ ਮੈਨੂੰ ਦਿਸਿਆ ਪਤਾ ਲੱਗਣ ਤੇ ਨੇੜੇ ਆ ਕੇ ਕੰਟਰੋਲ ਕਰਨ ਦੀ ਪੂਰੀ ਕੋਸ਼ਿਸ਼ ਕੀਤੀ ਤਾਂ ਫਿਰ ਵੀ ਬਸ ਤੇ ਟਰੱਕ ਦੀ ਟੱਕਰ ਹੋ ਗਈ। ਸੜਕ ਸੁਰੱਖਿਆ ਪੋਰਸ ਦੇ ਇੰਚਾਰਜ ਯੋਧਾ ਸਿੰਘ ਆਪਣੀ ਪੂਰੀ ਟੀਮ ਨਾਲ ਮੌਕੇ ਤੇ ਪਹੁੰਚ ਗਏ। ਬੱਸ ਵਿੱਚ ਕੁੱਲ 10-15 ਸਵਾਰਿਆਂ ਹੀ ਸਨ। ਥਾਣਾ ਧਨੌਲਾ ਦੇ ਹੌਲਦਾਰ ਰਣਜੀਤ ਸਿੰਘ ਨੇ ਪਹੁੰਚ ਕੇ ਸਥਿਤੀ ਦਾ ਜਾਇਜ਼ਾ ਲਿਆ ਅਤੇ ਦੋਨਾਂ ਧਿਰਾਂ ਨੂੰ ਥਾਣੇ ਬੁਲਾਉਣ ਤੋਂ ਬਾਅਦ ਹੀ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।